راهوجو، محبوب رڪ: مشهور ترجمي نگار، محبوب رڪ ولد محمد سومر راهوجو، پهرين مئي 1957ع تي ڳوٺ راهوجا تعلقي قمبر، ضلعي قمبر شهدادڪوٽ ۾ پيدا ٿيو. هن ابتدائي تعليم ڳوٺ قمبر ۽ لاڙڪاڻي مان حاصل ڪئي. پي. ٽي. سي 1975ع ۾ لاڙڪاڻي ۽ گرئجوئيشن 1982ع ۾ پاس ڪئي. 1977ع ۾ پرائمري استاد طور مقرر ٿيو ۽ مختلف اسڪولن ۾ پڙهائڻ کان پوءِ 1990ع تي رٽائر ٿيو. ان دوران هن پ. ٽ. الف ۾ 1977ع کان 1987ع تائين ۽ مهراڻ ٽيچرس ايسوسيئيشن ۾ ڪم ڪيو. هو 1988ع ۾ ڊويزنل صدر ۽ 1990ع ۾ تعلقي قمبر جو جنرل سيڪريٽري رهيو. محبوب راهوجي، 1979ع ڌري ادبي دنيا ۾ پير پاتو. هن 1987ع ۾ روسي ناول ’لوچن سي لهن‘ جو ترجمو ڪري ڇپايو. کيس سنڌيءَ ٻوليءَ بابت هڪ مضمون لکڻ تي سنڌي لئنگئيج اٿارٽيءَ طرفان تعريفي سند پڻ ملي. سندس ڪيترائي مضمون مختلف اخبارن ۾ شايع ٿيندا رهن ٿا. هيءُ هن وقت لاڙڪاڻي ۾ رهائش پذير آهي.
1957.05.01 عيسوي
مشهور ترجمي نگار، محبوب رڪ ولد محمد سومر راهوجو، پهرين مئي 1957ع تي ڳوٺ راهوجا تعلقي قمبر، ضلعي قمبر شهدادڪوٽ ۾ پيدا ٿيو.